l'ART d'ARCHERIE
"Cy senieut ung petit et beau traittie enseignt la fachon de tirer de l'arc à main fait et compose par ung qui point ne se nomme a la requeste de plusieurs qui desir avoient d'y apprendre"
...."Ung archier qui voeult avoir belle manière de tirer doit avoir plusieurs regarts tant à son corps comme à ses pièds, comme dist ung livre intitulé l'art de guerre.Premièrement ses flesces au coté destre pour ce que l'espec est au costé senestre.Et doit peser son arc sur le pousse de la main dont il tient en tirant, et le mettre justement en balance pour tirer à la bute.Et se l'arc est bien faitil sera plus long dessus que dessoubz.Et ce tempspendant doit tirer sa flesce à deux fois hors de la trousse, et la cause si estse il n'avoit moult long bras il faudroitque les flesces demourassent enserrées dedens la trousse de quoy les pennes empirroient.Et en la tenant par le mylieu la doit on bouter dedens son arc, et puis la prendre entre deux doys; et devez savoir que c'est entre le doy qui est auprés du pouce et le grant doy.Et doit tout bon archier tirer à trois doy comme j'ai dit devant, et amener sa flesce à son tetin destre, eten ce faisant il y gaingne longueur de trait.Il doibt avoir l'un pié devant l'autre du costé de quoy on tient l'arc, et ne doit avoir que la pointe à terre,affin qu'en rasseant le talonsans desmarchier, baille escousse à la flesce et tourne le coté à la butte.Et quant ce vient au tirer, l'en poeult, tirer en deux fachons;les uns tirent de hault et les autres de bas, et sont toutes deux bonnes en divers fachons.Celle de basest bonne à tirer à la butte et aux chaperons, et se monstre un archier plus nayf que tirer de hault, moiennant que la desmarce s'accorde bien au deschier, et aussi il est plus couvert au besoing à cause qu'il ne haulce point le bras si haut.
Et devez savoir aussi qu'ilz sont plusieurs manières de descochier, et tient tout à deux choses: à la main de quoy on tire, car on doibt avoir et tenir la corde en la deuxième jointe du doy aupres du pouce et en la première jointe du doy qui est entre le grant doy et le petit, et à la marche de quoy il en est de trois manières,c'est à savoir à ung pas, à deux et à trois.Celle à ung pas se fait en deux fachons;l'une en marchant du pié du costé de quoy on tient l'arc, l'autre en mettantson bras en arrière en enffonsant son arc et son trait et desmarchier de l'autre pié; laquele desmarche fait revenir le bras en sa droitture, maiz que elle soit grande et forte en arrière.Les aultres deux fachons sont à deux et trois desmarches.A tyrer à deux démarches il faut desmarchier du piet de derriere à costé tellement que le pié de devant viengne à point à donner l'escousse au descochier.Et pour les trois fault desmarchier du costé de quoy on tient l'arc et en enfourant comme dessus est dit et puis de l'autre en arrière tellement que quant ce vient au descochier on puist marchier du premier pié de quoy on a commenchié
Un bon archier selon l'usage doigt tyrer dix palmes de trait.Il en est bien qui en tirent plus, mais de tant que ilz en tirent, plus le coup en est moindre........